Dalmatinski portal koristi 'kolačiće' za što trebamo Vašu privolu. Ako nam želite pomoći u prikupljanju podataka za analitičke odnosno statističke svrhe, molimo Vas prihvaćanje 'kolačića' za analitiku. Naša web stranica koristi i marketinške 'kolačiće' zbog pružanja marketinškog sadržaja za koje od Vas također trebamo privolu. Bit ćemo sretni ako se slažete s tim jer Vam tako možemo ponuditi najbolje korisničko iskustvo.

Saznaj više
DALMATINSKA KUŽINA: Braška lopiža
Dalmatinska kužina Piše: Siniša Vuković

DALMATINSKA KUŽINA: Braška lopiža

'Maestrochef' Siniša Vuković piše o tradicionalnoj dalmatinskoj spizi

Osnovni uvjeti:

kok, trišnjevac, puter, tetovac
suhi bob, slanutak, sikirica
šučivica, orzo, brašno
slalka mlivena paprika, kapula
suho meso, maslinovo uje, sol, papar

Sve vrste fažolih, večer prin, moremo potopit u istu teću, da se močidu cilu noć. Napose, potopit ćemo suhi bob, slanutak i sikiricu, a more se i orzo, da razbumba. 

Sutra, kad budemo jemali voju parićat bronzin ol zrnih – ki se more kuhat i u teći, oli u lopiži – prolit ćemo ća vodu u kon se je prikonoći močilo potopjeno zrnje, pa bi vajalo jošćec bokun ociđene mahunarke i sočiva lipo proprat kroz vodu. E ondac, u novu vodu metnut ćemo najprvo sve fažole, suhi bob i slanutak, jerbo se njiman hoće čagod višje vrimena u kuhanji, prosut ćemo u kućarinu slalke mlivene paprike pa, kad uzavre i projde obilatih kvarat od ure, usut ćemo u fažole sikiricu, orzo i suho meso ko smo pinku prvo prokuhali zbande u drugon vodi. Neka se to daje kuha jošćec kvarat od ure, pa ćemo u to iskrenut i šučivicu. Pa neka daje kuha ispotiha, dokle se sve skupa lipo ne prožme i smekša.

Pinkicu prin vengo ča će sve bit gotovo, na maslinoven uju, po običaju, učinit ćemo zapržak. Iskrižanu kapulu šufigat ćemo na maslinoven uju, dodat ćemo i na zlici brašna, ter ćemo ondac to zažućenega iskrenut u bronzin, posolit naprama ten koko je svega i lipo popaprit.

Vaša reakcija na temu