DALMATINSKA KUŽINA: Janjetina s bižon
Dalmatinska kužina Piše: Siniša Vuković

DALMATINSKA KUŽINA: Janjetina s bižon

'Maestrochef' Siniša Vuković piše o tradicionalnoj dalmatinskoj spizi

Stegno ol janca oli štrakul rasić ćemo marason na manje komade, pa ćemo jih daje nožon rasić na još manje komadiće. Neka je kosti, jerbo se va spiza većin dilon kuha, pa je dobro da kost pusti svoj gušt.

Na maslinoven uju zažutit ćemo kapulu, koju ćemo malo posli posolit, da samre. Pa ćemo prama kraju dodat iskrižane luk i petrusimul, ali i na koskice usitnjenu pančetu. Ne puno pančete. Meso će pustit vodu, pa ćemo ga šufigavat stalno vrteć, dokle voda ne ižvampije. Ondac ćemo ulit po žmula vina, pa ostavit da lagahno i to vino ižvampije, nakon čega ćemo u meso dodat iskrižane pelate ol pomidorih. I oblit juhon da meso oplivi.

Kal smo oblili juhon, dodat ćemo u to na vrhu noža slalke mlivene crvene paprike i jedan mali usitnjeni peperončino, metnut ćemo dva lista javora i desetak izmrvjenih listov suhe kaduje. Popaprit ćemo i molat da tihula nalagahno jednu po ure do tri kvarta od ure. Pa ondac u to vaja usut biž, i ostavit da se kuha dokle biž ne smekša. Kako zafali tekućine, tako ćemo oblivat teplon juhon, unaprid parićanon.

Vaša reakcija na temu
Pregledaj komentare