DALMATINSKA KUŽINA: Butarga na gradelan

Osnovni uvjeti:

butarga
maslinovo uje
sol, papar

Vada riba bude velika, tako da i komad butarge bude ka – polplat ol postola! Najboje je da je to kakov veli gof oli zubatac…

Pa ćemo butargu lipo oblit maslinovin ujen i složit na vrile gradele. Neka žerava ne bude slaba, jerbo iz butarge puno cidi voda – navlaš ondac ako nan je digod pukla – pa ta voda gasi žeravu. Već naprama ten kolika je butarga, ovisi koliko vrimena ćemo je peć na svakon bandi. Ako je veća, dva tri puta obrnut ćemo je na svaku bandu, pogotovo ako je žerava žeštoka (da nan ne izgori). 

A kad je butarga pečena, tek ondac ćemo je posut soljon i papron, pa ćemo je jopeta oblit i su pinku maslinovega uja. Jist ćemo je, kako spada, uz kakovo kuhano povrće.