Osnovni uvjeti:
glava ol janca, kapula, mrkva, kumpir, selen, voda, greza sol, papar u zrnu
U posoljenu hladnu vodu metnut ćemo glavu ol janca ku smo prin tega dobro oprali, navlaš ni dil di je bi mozak (ča smo ga pofrigali). Marason smo okrpili dil glave s noson i gornjiman zubiman, olcipili smo ga, kako nan se baledina iz nosa ne bi procidila u juhu. Uz glavu ćemo dodat mrkvu, kumpir i kapulu, dva lista selena i kogod zrno papra. Vode će bit toliko da glava oplivi u obilanci.
Pokle je uzavrila voda oganj ćemo smanjit napolak, a kuhat ćemo dokle se meso sa obrazin ne počme oldilivat od kostijuh i kosiric. To će reć jednu uru ipo vrimena. Izvadit ćemo glavu ol janca vanka, posolit je su grezon soljon i metnut na pijat so nin iskuhanin povrćen.