DALMATINSKA KUŽINA Šamaštrane girice
Dalmatinska kužina Piše: Siniša Vuković

DALMATINSKA KUŽINA Šamaštrane girice

'Maestrochef' Siniša Vuković piše o tradicionalnoj dalmatinskoj spizi

Osnovni uvjeti:

girice
maslinovo uje, luk
greza sol, papar

One lipe velike girice, ol pergnja, očistit ćemo i metnut nastranu. Očistit ćemo jih tako ča ćemo nin ostrgat lustre i izvadit drob. Ništa glavu kidat… 


Pa kal smo jih očistili i stivali sa strane, ondac ćemo napodan kakove terine prosut pinku greze soli. Na tu grezu sol rastrkat ćemo u šaki iskrižanega luka. I sad, na to ćemo postivat očišćene girice kiman smo u drob uvalili po koju koskicu luka. Pokle smo girice lipo postivali u jednu filu, ko parkete, zasut ćemo jih su jošćec mrvicu greze soli i luka. A ondac ćemo na to slagat drugi red giric, križajuć jih s oniman izdešota. Pa ćemo jopeta to zasut su grezon soljon i iskrižanin lukon… Pa ćemo poklopit da ne vitri. I neka prinoći.

Pa ćemo, pokle naložimo oganj, otrest luk i sol sa giric, ter ćemo jih lipo ispeć na gradelan. I, oblit maslinovin ujen. I, guštat u guštiman pečene ribe imbazdane soljon i lukon.


Vaša reakcija na temu
Aloooo article_emotions(57307, "");
Pregledaj komentare