DALMATINSKA KUŽINA: Morski pas na gradelan

Osnovni uvjeti:

morski pas ilitiga pešekanja, 

maslinovo uje, sol, papar, limun

Landovina je na riba ča žive na sarbunu ilitiga jarini u moru, to će reć ražina, morski golub, švoja, a tote se računadu jošćec i morski pas ilitiga pešekanja i morska maška. Jema tega koko vas je god voja.

Golub je plosnat ko ražina, ali jema na glavi 'komandni most', pa se po ten omar moge učinit diferencu ol ražine. Izvadidu mu se možjani i drob, a koža se oguli tanajican. Pa ga se izriže na dva dila, oli na četiri, već naprama ten koliki je.

Morskega pasa iliti pešekanju isto ćemo narizat na fete, poklen mu se je oderala na koža ča je ka 'karta devera'. Ča je pešekanja veća, to će bit ukusnija. I, ni je potriba mećat u mliko (ako se jema hotinja ćutit bokun mora), vengo vada se omar su njon posoljenon gre lipo na vrile gradele. Pečedu se, i golub i pešekanja, isto ka i gof oli pešešpada, a kal su gotovi posut ćemo jih su papron, polit suzon maslinovega uja, a bilo bi lipo i kronut kugod kapju soka od limuna.